मनिष भंगाळे हा तर “फेकर”च !

माजी मंत्री एकनाथ खडसे यांचे दाऊदशी दूरध्वनी संभाषणाद्वारे संबंध आहेत, असा खळबळजनक आरोप करणारा कथित हॅकर (नव्हे फेकर) मनिष भंगाळेला मुंबई गुन्हे शाखेने अटक केली आहे. तशी ही कारवाई खुपच उशीरा झालेली आहे.

व्हाईस अॅडमिरल सुनील भोकरेंच्या शौर्याची पाण्याखालील कहाणी

भारतीय नौदल अकादमीचे चीफ कमान्डन्ट तथा खान्देशचे सुपूत्र व्हाइस अॅडमिरल सुनील भोकरे यांचा उद्या बुधवार (दि.२९ मार्च) रोजी दुपारी ४ वाजता जळगाव शहरातील कांताई सभागृहात नागरी सत्कार उत्तर महाराष्ट्र विद्यापिठाचे कुलगुरू प्रा. डॉ. पी. पी. पाटील यांच्या हस्ते केला जाणार आहे. या कार्यक्रमाचे आयोजन जळगाव येथील गौरव समितीने केले आहे.  

जिंदा दिल मित्र डॉ. राजेश पाटील ...

गुढीपाडवा आज पहाटे पहाटे चांगली बातमी घेवून आला. एका मित्राने रात्री उशीरा मेसेज टाकलेला होता. "आयएमए" च्या सचिवपदी विश्वप्रभा हॉस्पिटलचे डॉ. राजेश पाटील यांची बिनविरोध निवड झाली. बातमी वाचून आनंद झाला. डॉक्टरांच्या संदर्भात सध्या आव्हानात्मक वातावरण असताना जळगाव आयएमएच्या सचिवपदी डॉ. राजेश यांनी निवड होणे यात निश्चित चांगला योग आहे. नव्या कार्याची गुढी उभारण्याची संधी डॉ. राजेश यांना मिळाली आहे. याबद्दल नक्कीच त्यांचे तोंडभरून कौतुक आणि तमाम डॉक्टर व रुग्णांसाठीही काही वेगळे कार्य घडावे यासाठी शुभेच्छा !!

शिमगा बहाद्दरांनो सावधान !

देशातील ५ राज्यांच्या विधानसभांपैकी सर्वांत मोठी विधानसभा असलेले उत्तरप्रदेश हे राज्य भाजपने पाशवी बहुमताने जिंकले आहे. ४०३ पैकी ३२५ जागा भाजपने जिंकल्या. उत्तराखंडमध्ये ७० पैकी ५७ आणि मणिपूरमध्ये ६० पैकी २१ जागा भाजपने जिंकल्या. पंजाबमध्ये भाजपने काँग्रेसकडून सपाटून मार खाल्ला तर गोव्यात काँग्रेसला संधी आहे. एकंदर ५ पैकी ३ राज्ये भाजपने जिंकली. जो जिता वो सिकंदर. नरेंद्र मोदी व अमित शाह यांच्या खुर्च्या अजून पक्क्या झाल्या. उत्तरप्रदेशच्या निकालावर गणिते मांडणारे गपगार झाले.

वयाच्या पलिकडचे मैत्र ... युसूफभाई मकरा

जळगाव येथील व्यापारी युसूफभाई मकरा यांच्या वाढदिवसाचा तिहेरी घोळ असतो. त्यांचा वाढदिवस दि. २० जुलैला असतो. मात्र, एका दैनिकात तो दि. २० मेस छापून येतो. जळगाव येथे अजून एक ज्युनिअर युसूफ मकरा आहेत. त्यांचा वाढदिवस दि. २ मार्चला असतो. या तिनही दिनांमुळे युसूफभाईंना वर्षभरात तीन वेळा बर्थडेच्या शुभेच्छा मिळतात. गेल्या २ मार्चला मी सुद्धा युसूफभाईंना मोबाईलवरुन शुभेच्छा दिल्या. युसूफभाईंनी अगोदर थँक्यू म्हटले आणि मग म्हणाले, आज माझा वाढदिवस नाही. मला हसू आले. त्याचे कारण मला युसूफभाईंच्या तीनही वाढदिवसांची गंमत आठवली.  

महामार्ग चौपदरीकरणासाठी मुंबईत ८ मार्चला बैठक

गेल्या ३ वर्षांत खासदार रक्षा खडसेंकडून सतत पाठपुरावा

एकनाथराव खडसे यांची “सोशल मीडिया सोल्युशन” ला खास मुलाखत

जळगाव शहरातून जाणाऱ्या आणि प्रस्तावित वळण महामार्गाच्या संदर्भात मी स्वतः पाचवर्षांपासून आणि खासदार रक्षा खडसे या गेल्या ३ वर्षांपासून केंद्रीय मंत्रालयात पाठपुरावा करीत आहोत. आतापर्यंत या विषयावर दिल्लीत किमान ७ ते ८ बैठका झाल्या. केंद्रीय मंत्री नितीन गडकरी यांच्याकडे ४ वेळा चर्चा झाली. जे प्रस्ताव होते ते मंजूर होवून त्याचे आराखडे तयार झाले. आता टेंडरिंग प्रोसेसही मार्गी लागली आहे. महामार्गाचा ४५० कोटींचा विकास आराखडा तयार झालेला आहे. आता हा आराखडा लोकांच्या समोर आणून त्यावर सूचना घ्याव्या लागतील. याचाच पुढचा भाग म्हणून दि. ८ मार्चला मुंबईत राष्ट्रीय महामार्ग प्राधिकरण सोबत वरिष्ठ अधिकाऱ्यांची बैठक होत आहे, अशी माहिती माजीमंत्री तथा या कामासाठी सतत पाठपुरावा करणारे एकनाथराव खडसे यांनी “सोशल मीडिया सोल्युशन” ला दिली.