विवेक हरवलेला विरोध !!

जळगाव शहरात सध्या काही मान्यवर नागरिक सामाजिक कार्यात हात दाखवून अवलक्षण करुन घेण्याचा प्रकार करीत आहेत. जळगाव शहरात कोणतेही सामाजिक कार्य लोकसहभाग किंवा खासगी खर्चातून उभे राहायला लागले, की हे सामाजिक चिंताग्रस्त (Social worriers) मान्यवर शंकांची प्रश्नावली घेवून उभे राहतात. असे तीन जण सध्या बेफामपणे कार्यरत आहेत.

मरावे परि उद्यान रुपी उरावे ...

भाऊंचे उद्यान जळगावकरांच्या सेवेत

 जैन उद्योग समुहाचे संस्थापक अध्यक्ष तथा जळगावचा वैचारिक, साहित्यिक व सांस्कृतिक वारसा संपन्न करणारे थोर व्यक्तिमत्त्व तथा खान्देशचे मोठेभाऊ पद्मश्री डॉ. भवरलाल जैन यांचा २५ फेब्रुवारी २०१७ ला पहिला स्मृतिदिन. मोठेभाऊ गेले वर्षभर आपल्यात नाहीत याची जाणिव त्यांच्या चौघा वारसदारांनी जळगावकरांना होवू दिलेली नाही. त्यामागील हे एक कारण आहे की, जैन उद्योग समुहाच्या विचारांची व कार्याची भरभक्कम पायाभरणी मोठ्याभाऊंनी करुन ठेवली आहे. ते हयात असताना समाजाप्रति जे कार्य सुरु होते ते आजही जैन उद्योग समुहातर्फे सुरू आहे.

सत्तेसाठी एकजूट नव्हे ; बहुमत हवे !

राज्यातील २५ जिल्हा परिषद, १० मनपांसह २८३ पंचायत समित्यांचे निकाल जाहीर झाले. सर्वच मनपांसह बहुतांश जि. प. मध्ये भाजपने आघाडी घेत पुन्हा एकदा क्रमांक १ चा पक्ष म्हणून आपले स्थान कायम ठेवले आहे. या विजयाचे श्रेय अर्थात, राज्यातील सरकारचे प्रमुख म्हणून मुख्यमंत्री देवेंद्र फडणवीस आणि पक्ष संघटनचे प्रमुख म्हणून रावसाहेब दानवे यांच्याकडे जाते. भाजप अंतर्गत इतर कोणीही राज्यस्तरावरील या विजयात हिस्सेदारी करु शकत नाही. कारण, स्टार प्रचारक म्हणून फडणवीस व दानवे राज्यभर फिरत असताना इतर नेते आपापल्या जिल्ह्यात प्रतिष्ठा पणाला लावून होते.  

साऱ्यांच्याच नेतृत्वाची कसोटी ?

राज्यातील मनपा, जि.प. आणि पंचायत समित्यांचे निकाल लवकरच लागतील. त्याच्यावर मुख्यमंत्री देवेंद्र फडणवीस यांचे भवितव्य अवलंबून असेल अशी मांडणी केली जात आहे. तसेच उत्तर प्रदेश विधानसभा निवडणुकीची रणधुमाळी सुरु असून पंतप्रधान नरेंद्र मोदी आणि भाजप राष्ट्रीय अध्यक्ष अमित शहा यांच्याही नेतृत्वाची चाचणी याच निवडणुकीतून होणार आहे.

राष्ट्रप्रेमाची तीन टोके ...

अमेरिकेतील नवे राष्ट्रपती डोनाल्ड ट्रैम्प हे बहुमत घेवून विजयी झाले आहेत. त्यांच्यावर परंपरावादी, अति राष्ट्रवादी आणि रुढीवादी असल्याचा ठपका आहे. ट्रैम्प यांचा विजय विरोधी पार्टीचे सरकार बदलणारा आहे. ट्रैम्प सरकारचा मुखवटा कर्मठ समजला जातो आहे. भारतात सध्या केंद्रातील सत्तेत असलेल्या नरेंद्र मोदी सरकारवरही अशाच प्रकारचा ठपका आहे. मोदी सुध्दा सुस्पष्ट बहुमत घेवून सत्तेत आले आहेत. मोदींनीही सत्ता परिवर्तन करताना विरोधी पार्टी व मित्रपक्षांना सत्तेतून हद्दपार केले आहे. मोदी सरकाराचा चेहरा प्रतिगामी, रुढीवादी आणि धर्मवादी म्हणून रंगवला जातो. या ठिकाणी धर्मवाद हा हिंदूराष्ट्रवादाशी जोडलेला आहे.

आशा महोत्सव एक सांस्कृतिक उत्सव

आशा फौंडेशनतर्फे जळगाव शहरातील प्राथमिक व माध्यमिक शाळांसाठी घेतला जाणारा आशा महोत्सव २०१७ दि. २५ व २६ जानेवारीस उत्साहात साजरा झाला. उत्सवाचे हे पाचवे वर्ष होते. नेहमी प्रमाणे नियोजन, आयोजन, सादरीकरण आणि पुरस्कार प्रदान सोहळा अशा सर्वच पातळ्यांवर हा आशा महोत्सव सर्वोत्तम ठरला. या मागील समाधानाची आणखी एक सकारात्मक बाजू म्हणजे, आशा महोत्सवाचे या पुढील प्रायोजकाचे दायित्व जैन उद्योग समुहाने कायमचे स्वीकारले आहे. सर्व काही चांगले घडत असताना दुधात साखर पडणे याचा प्रत्यय येतो तो असा.